Za kilogram pomorandži na zelenoj pijaci u TC "Bazar" potrebno je izdvojiti od 1,50 do tri eura, dok su mandarine cijenjene 2,50 eura, piše Dan.
Jedno od traženijeg voća je kivi koji košta tri eura, dok si jabuke od dva do 2,50 eura. Banane se mogu kupiti po cijeni od 1,50 do dva, a dunje i dalje drže cijenu i koštaju pet eura. Od tri do pet eura neophodno je izdvojiti za kilogram nara.
Cijene povrća na zelenoj pijaci uglavnom su nepromijenjene. Tako se krompir mogao kupiti za euro, a paprike su od 3,50 do četiri eura. Crni luk je 1,50, a bijeli šest eura.
Od zeleniša najtraženiji je spanać koji košta pet eura. Za salatu neophodno je izdvojiti tri, dok je raštan dva, a celer 2,50 eura. Šargarepa je cijenjena od 1,50 do dva eura, a bijeli kupus može se kupiti za 80 centi.
U sektoru za mliječne proizvode bogat je izbor sireva. Mladi polumasni sir može se kupiti za 3,90, dok je mladi od 6,50 do sedam eura. Pljevaljski sir drži cijenu i košta deset, a za morački je dva eura skuplji. Lisnati kolašinski sir prodavci prodaju za 12, a mrve za pitu za 6,50 eura.
