”Umjesto da kao resorno ministarstvo stane u odbranu slobode umjetničkog izražavanja i da zaštiti slobodu govora kao jedno od temeljnih prava na kojima se zasnivaju civilizovane i demokratske zajednice, MKM je postalo puko oruđe za političke obračune koje sprovodi GP URA i Vlada na čijem je čelu Dritan Abazović”, poručili su iz CHO.
Sramotno postupanje MKM, kako dodaju, jasno pokazuje da je nacionalistička i klerikalna politika, promovisana i podržana od strane vlade Dritana Abazovića i onih u čije ime on govori i čije interese brani, ušla u fazu fašistoidnog obračuna sa onim intelektualcima i umjetničkim stvaraocima koji otvoreno kritikuju fašizaciju i ekstremizaciju naše kulture i našeg društva.
”Umjesto da osudi i sankcionišu govor mržnje i propagiranje anti-demokratskih i nacionalističkih ideja i koncepcija, MKM udara na slobodnu riječ i misao, koje su našem društvu potrebnije nego ikada ranije.
CHO doživljava napade i harangu na Andreja Nikolaidisa kao ugrožavanje temeljnih prava i sloboda, bez čije zaštite i promocije nema slobodnog i otvorenog društva. Učešće ministarstva koje je zaduženo za kulturu u toj raboti pokazuje dubinu i težinu problema sa kojima se suočavamo”, poručili su iz CHO.