Naime, policajci su u cik zore ušli u stan Bogdana Kaluđerovića samo zato što je njegovo prezime pisalo na pločici na ulaznim vratima stana gdje živi sa ženom i dvoje maloljetne djece.
Kako je Kaluđerović ispričao Standardu, riječ je grešci policijaca koji su tražili Cetinjanina Nenada Kaluđerovića na čijim ulaznim vratima stana nije bila pločica sa imenom.
“Jutros u 06.45 sati nakon lupanja otvorio sam vrata nakon čega su policajci upali u stan, i počeli da me maltretiraju u prisustvu maloljetne djece i supruge, kazao je Bogdan Kaluđerović u izjavu za Standard.
On je najavio da će danas Osnovnom državnom tužilaštvu na Cetinju podnijeti krivičnu prijavu protiv službenika policije.
Nakon svega, policajci su se povukli i nastavili da traže Nenada Kaluđerovića kojeg nijesu zatekli na njegovoj adresi stanovanja.
Navodno su u stanu zatekli dvojicu njegovih tek punoljetnih sinova koje su odveli u zgradu policije.
