Govoreći o kamenovanju, Čanak je kazao da zapravo bježati od kamenja nije dobra poruka.

“Bio sam u Potočarima kada je došao Aleksandar Vučić prvi i jedini put koliko ja znam. I kada je bio kamenovan i kada je otišao i nijesam vidio da je više dolazio”, naveo je Čanak.

Dodao je da je tako Vučić napravio strašnu grešku.

“Jer svako ko dolazi iz i ispred Srbije mora dolaziti onoliko puta, bio kamenovan ili ne, dok ne prestanu da ga kamenuju jer samo tako će se nešto postići. S druge strane, bježati pred kamenjem kada dolaziš na mjesto gdje ljudi nijesu mogli pobjeći pred rafalima neljudi, to je prema mom mišljenju pogrešno”, poručio je Čanak.