Evo jedne zabavne igre kad izađete u šetnju ovih dana - pokušajte da izbrojite koliko bilborda ima na vašoj ruti. Za pola sata šetnje po Podgorici uspijem da izbrojim preko trideset. Osim što ih ima baš puno (i starih i novih), pozicionirani su totalno nelogično i na metar jedan od drugog.
Bilbord je meni lično besmislen već par godina, a totalna besmisao se desila jednom kad su posjekli drvo i stavili na njegovo mjesto bilbord...sa drvetom na slici. Takođe, ljudi, obično klijenti, koji nisu upoznati sa drugim vidovima marketinga, kao što su danas društvene mreže, smatraju bilbord vrhuncem uspjeha u marketingu. A bilbord primijeti tek poneko i to osoba koja hoda, ne primijeti ih skoro niko ko vozi, jer na ulicama ima po jedan bilbord na svakih 5 metara. Od količine tih džinovskih reklama koje ne prestaju da 'niču' po gradu imam osjećaj da ćemo ovih dana početi i da ih sadimo u dvorištima, da svako ima svoj lični.
Na kraju dana - razumijem da je to alat u marketingu, ponekad i dobar alat, al šta se desi sa bilbordima kad nema ko da ih vidi, kao što se desilo u ovom periodu.
