Pokazala je ekipa Julijana Nagelsmana kako umije i može da igra.
Nakon lijepe akcije koju je Bajern započeo ispred svog gola, a nakon samo dva i po minuta igre, Liroj Sane šalje loptu u mrežu i donosi domaćinu prednost.
Već u 17. minutu Tomas Miler je odlično pronašao asistenta za prvi gol Džamala Musijalu koji pogađa za 2:0.
A onda, konačno pred domaćim navijačima, gol postiže i Sadio Mane, u svom stilu nakon dodavanja Musijale. Igrao se 39. minut.
Imao je Bajern mnogo prilika i u nastavku, ali se ne može reći da nije pokušavao i gost. Ipak, na četvrti gol na meču čekalo se sve do pred kraj utakmice. Okliznuo se Lukaš Hradecki kada je pokušao da pošalje loptu iz svog kaznenog prostora, dobro je to pratio i iskoristio Tomas Miler za konačnih 4:0.
Bajern sada, nakon osam odigranih mečeva ima 15 bodova na drugom mjestu na tabeli. Lider je Union Berlin sa 17 bodova pred subotnji duel sa Ajntrahtom u Frankfurtu. Najer je pretrpeo peti poraz u sezoni i sa pet bodova je 16. na tabeli.
