Lider CEP-a Novak Adžić reagovao je na društvenoj mreži X povodom eskalacije nasilja i vandalizma usmjerenih prema turskim državljanima u Podgorici, koja je započela prije par noći na Zabjelu, nakon što je u subotu veče u tom naselju nožem povrijeđen jedan mladić.
7“Velikosrpski plan iz Beograda usmjeren radi Vučića - sa svima Crnu Goru da posvađaju da bi oni profitirali. I sa Hrvatskom, Bosnom i Hercegovinom, Kosovom i Albanijom. Sa svakim nas svađaju. I sa Turskom, poslije Amerike najjačom vojnom silom NATO-a, po vojnoj snazi i ekonomskom svjetskom silom”, napisao je Adžić.
On smatra da je to - besmisleno.
“Mi kao društvena zajednica ne trebamo i ne smijemo vršiti generalizacije bez smisla i pravnog osnova. Svi koji su počinili krivična djela, pa i strani državljani treba da odgovaraju ali političke zloupotrebe toga nijesu dobre. Crna Gora ima dobre odnose sa Turskom i to ne treba pogoršavati”, zaključio je Adžić.
