Izvor
"Zadovoljan sam kako smo ispoštovali dogovor i još jednom savladali Rusiju. Pokazali smo da imamo recept za njih, i bili najubjedljiviji u našim okršajima. Uspjeli smo da vratimo Lazović i Jovanović. Jako sam zadovoljan sa izdanjem moje ekipe".
Desni bek Katarina Bulatović kazala je za Analitiku da su osvojili dva važna i velika boda.
"Utakmica nije bila laka kao što rezultat govori, ili kao što je izgledalo preko malih ekrana. Igrali smo stvarno fenomenalno odbranu, i to je ono što nam je donijelo rezultat. Malo smo igrali loše u drugom dijelu, ali smo stekli veliku prednost koja nam je na kraju donijela dva boda. Bitno je da smo pobijedili, a ne razlika. Pišu se bodovi, a to je ono što nam je potrebno", kazala je Katarina i osvrnula se na naredni duel sa Rumunijom koji je na programu u petak od 20 sati i 15 minuta."Rumunke su imale veliku prednost protiv Rusije, ali su na kraju uzele samo bod. Radi se o veoma dobroj selekciji. Skup fenomelanih pojedinaca. Dugo su zajedno. Biće teško, ali kako smo se spremale za Rusiju tako ćemo i za njih. Jedino šta nas interesuje je pobjeda."
