Četiri osobe su juče ubijene u talačkoj krizi u gradu Aurora u američkoj saveznoj državi Kolorado, prenosi Index.hr.
Policija je nakon višesatnih pregovora upala u kuću u kojoj je napadač držao više ljudi. Policajci su u unakrsnoj vatri ubili otmičara, ali i pronašli tijela troje odraslih ljudi koji su nešto ranije ubijeni.
Jedna zatočena žena uspjela je da pobjegne skočivši s drugog sprata. Ona je i javila policiji o otmici, nakon čega su, oko tri sata ujutro po lokalnom vremenu, alarmirani i evakuisani stanovnici iz nekoliko okolnih ulica.
Oko 8.15 otmičar je zapucao na policiju, koja je tada već nekoliko sati pokušavala s njime da pregovara. Međutim, 45 minuta kasnije specijalci su upali u kuću i ubili ga u unakrsnoj vatri. Motiv ubistva zasad je nepoznat, javlja USA Today.
Podsjećamo, u istom mjestu u julu prošle godine poremećni Džejms Holms upao je u bioskopsku salu, ubio 12 i ranio 58 nevinih ljudi koji su gledali najnoviji film o Betmenu.
