Posmrtne ostatke slavnog košarkaša i njegove kćerke preuzela je njegova supruga Vanesa, a među poginulima su još pilot Ara Zobajan, putnice Kristina Mauser, Sara i Pajton Čester, dok ostaci Džona, Keri i Alise Altobeli još nijesu preuzeti.
Brojni navijači opkolili su dom Los Anđeles Lejkersa "Stejpls Centar" kako bi se oprostili od Kobija koji je 20 godina igrao za ovaj klub i donio im čak 5 NBA naslova.
Ostavljali su brojne fotografije, majice, pisma, a Lejkersi će sve te stvari proslijediti Vanesi budući da su u narednih nekoliko dana morali da očiste područje oko dvorane.
Vanesa je rekla: "Moja porodica bi željela te stvari".
"Označićemo svaki od predmeta, majice pisma, košarkaške lopte, plišane igračke. Stavićemo u posebne kontejnere i isporučiti porodici", rekla je Li Zeidman, predsjednica uprave "Stejpls Centra" za LA Times.
Brajant i njegova kćerka putovali su u akademiju Mamba kada se njihov helikopter srušio pri brzini od oko 300 kilometara na sat.
