Barić u Odboru direktora Erste banke nasljeđuje Slađanu Jagar, koja se na svoj zahtjev povukla sa funkcija s prvim danom 2020.
Krešimir Barić radi u Erste&Steiermärkische Bank d.d. od 2006. godine, a na mjesto člana uprave dolazi nakon što je 15 godina proveo na rukovodilačkim pozicijama u oblasti računovodstva i kontrolinga.
U Erste&Steiermärkische Bank d.d. je zadužen za Sektor računovodstva i kontrolinga, Sektor upravljanja aktivom i pasivom, Kancelariju za ekonomska istraživanja, Kancelariju za poreze.
Godinu dana je proveo u Erste Grupi u Beču, na funkciji vođe upravljanja profitabilnosti (performance management) i kapitalom, gdje je stekao dodatno međunarodno iskustvo.
"Osim toga, učestvovao je u rotacionim programima usavršavanja unutar Erste grupe i mnogim grupnim projektima, uključujući i IEDC poslovnu školu iz Bleda, gradeći menadžersko iskustvo i znanje. Po struci je diplomirani ekonomista i aktivno se služi engleskim i njemačkim jezikom", saopšteno je iz Erste banke.
