Prema prijavi koju je u prisustvu roditelja D.M. danas podnio tivatskoj policiji, sinoć oko 22.30 časova on je na tom igralištu bio sa drugovima T.A., S.M. i M.A., kada je pored njih prošla grupa od pet-šest maloljetnika za koje on pretpostavlja da su romske nacionalnosti.
Iz pravca te grupe, iako nije bilo sukoba između njih, prema Tivćanima doletjela je manja drvena palica koja je D.M. pogodila u predjelu desnog uva i nanijela mu razderotine ušne školjke.
Maloljetnici koji su ih gađali, odmah su pobjegli sa lica mjesta. D.M. je potom prebačen do kotorske bolnice gdje su mu ljekari sa pet šavova, ušili razderanu ušnu školjku i otpustili ga na kućno liječenje.
Policija je u međuvremenu u prisustvu njihovih roditelja uzela izjave i od drugova D.M. i intenzivno radi na otkrivanju počinilaca.
U tome će im poslužiti i snimci sa kamera video nadzora.
