Zozibini Tunzi, takmičarka iz Južne Afrike iznijela je par važnih izjava o ženskom preduzetništvu, klimatskim promjenama i ljepoti nakon što je ponijela titulu Miss Universe 2019.
Kada je bila mlađa, žene je nikada nisu gledale kao lijepu ženu. Prosto u njoj nisu vidjele ljepotu.
"Odrasla sam u svijetu gdje žene koje izgledaju kao ja, koje imaju moju boju kože i kose nikada nisu smatrane lijepim ženama. Vrijeme je da se sa time prestane. Želim da me djeca gledaju i vide moje lice i da vide njihova lica u mom", rekla je ona.
Na društvenim mrežama mnogi komentarišu kako je jako lijepo i pohvalno što je žena tamne boje kože sa kratkom prirodnom kosom ponijela titulu najlepše.
Lepotica je istakla da je krajnje vrijeme da se radi na osnaživanju žena, da se one upoznaju sa svojim potencijalima i da kao takve mijenjaju svijet onako kako žele, prenosi Independent.
