Presudu je izrekao sudija Osnovnog suda u Bijelom Polju Dragan Mrdak.
Alihodžiću je produžen pritvor do dalje odluke suda, a izrečena mu je i mjera zabrane prilaska bivšoj supruzi.
U obrazloženju presude sudija je iznio da nema olakšavajućih okolnosti da bi mu se ublažila kazna.
U završnoj riječi okrivljeni je izrazio kajanje i žaljenje, navodeći da je bio pod uticajem droge.
Nakon izrečene osude, punomoćnik oštećene advokat Drago Konatar ocijenio je za Pobjedu da je osuda minimum od primjerene kazne za predmetno djelo.
Prema navodima optužnice, Alihodžić je 29. oktobra prošle godine oko 7.20 časova na parkingu u blizini OŠ ,,Risto Ratković“, u bjelopoljskom naselju Nikoljac, pretukao bivšu suprugu E. Z. koja je nastavnica matematike u toj školi. Navodi se da je oštećena udarena najmanje 17 puta drvenom motkom, te da je zadobila teške povrede po glavi i drugim dijelovima tijela.
