Siti je dominirao tokom meča u kom je poslije rutinskog prvog poluvremena uslijedilo dosadnih pola sata u drugom, a tim Pepa Gvardiole je kao na auto-pilotu kontrolisao dešavanja na terenu.
Golove za svjetlo-plave postigli su Gabrijel Žezus u prvom poluvremenu i Konor Koudi koji je auto-golom postavio konačan rezultat.
Brazilac je prvo gol postigao u desetom minutu meča kada je lijepo ispratio prodor i oštar pas sa Liroja Sanea i iz peterca uklizavanjem pogodio mrežu.
Siti do 2:0 stiže u 39. minutu kada je isti igrač bio precizan s bijele tačke poslije faula nad Rahimom Sterlingom.
U međuvremenu je direktan crveni karton dobio Vili Bouli zbog oštrog starta nad Bernardom Silvom i već tada se nazirao pobjednik.
Konačnih 3:0 Koudi postavlja u 78. minutu kada je glavom zatresao svoju mrežu nakon centaršuta De Brujnea.
Siti sada opet ima četiri boda manje od vodećeg Liverpula i sa 53 boda zauzima drugo mjesto u ligi. Vulverhempton je 11. sa 29 bodova.
