“Plavi” su u revanšu četvrtfinala savladali Mladost iz Lješkopolja u gostima 1:0.
“Pobjeda mnogo znači i meni i momcima i kluba. Ne bi bilo dobro da smo ispali. Nadam se da ćemo u sljedećim utakmicama koristiti šanse i da ćemo početi da dajemo golove i osvajamo bodove”, rekao je Brnović.
Strateg Podgoričana pohvalno je govorio i o kvalitetu rivala.
“Važna pobjeda jer smo igrali pod pritiskom. I prije prve utakmice sam rekao da je Mladost odlična ekipa. Lideri su Druge lige, imaju pet bodova više od drugoplasirane ekipe. Imaju šanse u prvoj utakmici, koju su mogli da dobiju i riješe dvomeč. Bio sam poslije tog duela zadovoljan jer sam znao da moramo da damo gol ili dva, kako bi prošli dalje. Plašio sam se vremena, ali je sve ispalo kako treba”, zaključio je Brnović.