Obje ekipe su u meč ušle sa rezervnim postavama, a treneri su priliku dali prije svega mladim igračima.
Francuski prvak je bolje otvorio duel i vodio na poluvremenu golom 18-godišnjeg napadača Timotija Vee.
Trener Bajerna Niko Kovač je u nastavku igre uveo malo ozbiljniju postavu, pa je šampion Njemačke sa čak tri gola u drugom poluvremenu zasluženo slavio.
Havi Martines je bio precizan u 60. minutu na asistenciju Arjena Robena, Renato Sančes je pogodio u 68. minutu utakmice, a konačan rezultat postavio je 17-godišnji Džošua Zirkzi u 12 minuta prije isteka regularnog dijela meča.
Na golu Parižana debitovao je legendarni Italijan Đanluiđi Bufon.
Bajern je tako zauzeo prvo mjesto u Internacionalnom kupu šampiona, odmah ispred Borusije iz Dortmunda koja je pobijedila šampiona Engleske Mančester siti.
Ta dva meča su jedina za sada odigrana u ovom takmičenju, koje čini 18 ekipa iz Evrope.
Komentari ()
