Jirgen Klop je tako riješio gorući problem u ekipi, koji ga je prošle sezone koštao dosta bodova, a na kraju priče i naslova evropskog prvaka. Iako je prvo navodno odustao od Alisona nakon što je Roma tražila i 90 miliona eura, Liverpul je ubrzao pregovore nakon što je postalo jasno da Čelsi želi da proda Tiba Kurtou i takođe krenuti u lov na Brazilca.
Liverpul je bio brži u pregovorima i Alison je stigao na Enfild.
"U jednom trenutku se otvorila prilika u pregovorima i morali smo je iskoristiti. Morao sam samo malo popričati sa vlasnicima. Njima se ideja isto svidjela i krenuli smo u završne pregovore. Cijena je takva kakva je i ja tu ne mogu ništa. Tržište sve diktira, a golmani su trenutno jako na cijeni. Dobili smo fantastičnog, možda i najboljeg golmana na svijetu koji iznenađujuće dobro govori engleski i mislim da smo napravili odličan posao", rekao je Klop.
Alison je bio na golu Rome na Enfildu kad ih je Liverpul pregazio 5:2 u polufinalu Lige šampiona.
"Vidio sam kako igraju i vidio sam kako navijači žive za taj klub i to je sigurno uticalo na moju odluku. Želio sam biti dio te ekipe", rekao je kratko Brazilac.
