Predsjednik Dojče banke, Paul Achleitner počeo je razgovore s glavnim akcionarima i njemačkim zvaničnicima oko spajanja s Komercbankom.
Ključna prepreka možda bi moglo da bude to što naglo padaju akcije Dojče banke i investitori sada sugeršu Achleitneru da ne ide u spajanje s Komercbankom u ovom trenutku, jer to bi izazvalo turbulencije pa i povećanje kapitala i značajne otpise imovine, kažu dobro obaviješteni izvori.
Dvije banke već su vodile slične razgovore u ljeto 2016. godine, ali se nijesu odlučile za sporazum, već su se tada fokusirale na restrukturiranje svog poslovanja.
Za Dojče banku, ovo baš i nije sjajan period: S&P joj je srezala kreditni rejting, akcije su pale, a banka planira i da ukine oko 10.000 radnih mjesta.
Ovo je inače drugo spajanje bankarskih giganata o kome se špekuliše u posljednje vrijeme. Nedavno je najavjeno spajanje i dva diva - Sosijete i Unikredit banke.