Sevilja je izgubila 2:1 na svom terenu od Bajerna, ali Vinćenco Montela vjeruje u čudo.
Tako je vjerovao i trener Rome Euzebio di Franćesko i Roma je razbila Barsu 3:0 za senzaciju vijeka.
"Naravno da je moguće pobijediti Bajern, ali važno je da ne primimo pogodak, posebno u prvom poluvremenu. Bajern je u drugom dijelu prve utakmice imao prevlast u posjedu lopte, ali važnije je od toga kako se mi ponašamo kada mi imamo loptu. Vjerujem da možemo napraviti novo čudo", rekao je Montela.
"Utakmice su uvijek duge i najvažnije je ostati u njima, igrati strpljivo. Mi tako moramo stalno da igramo i vjerujem da možemo stići zaostatak", dodao je trener Sevilje.
Meč je na pogramu od 20:45, a u isto vrijeme u Madridu se sastaju Real i Juventus, koji juri 0:3 iz Torina.
Foto: Getty Images
