I pored toga, i vrtić i škola rade – snalaze se. Direktorka vrtića Dubravka Drobnjak kaže da su našli prelazno rješenje i da djeca ne trpe.
“Jednu prostoriju grijemo TA pećima. Napravili smo mješovitu grupu djece koja dolaze i tu im je toplo. Inače, od ponedjeljka dolazi mnogo manje djece. Roditelji su čuli za problem sa grijanjem, tako da djecu dovode samo oni koji zbog posla moraju”, rekla je Drobnjak.
Ona je dodala da od utorka ekipa jedne nikšićke firme, koja održava postrojenje, radi na otklanjanju kvara.
“Nije mi poznato o čemu se tačno radi ali se nadam da će danas, eventualno sjutra uspjeti da otklone kvar”, kazala je Drobnjak.
Isto očekuje i direktor osnovne škole, Veselin Bulatović, dodajući da se nastava odvija redovno, doduše na drugom mjestu i u drugačije vrijeme, što se nekim roditeljima baš i nije dopalo.
“Organizovali smo međusmjenu za učenike razredne nastave, u matičnoj zgradi škole, koja se grije na ugalj. Problem sa grijanjem nam je iskomplikovao rad. Znam i daj e stvorio određene probleme djeci i njihovim roditeljima, poremetio im ritam. Ne mogu im zamjeriti, ali ih molim za razumijevanje. Radi se sve da se kvar na postrojenju što prije otkloni”, rekao je Bulatović.
Pobjeda
