On je prvo žestoko protestvovao zbog odluke sudija da dodijeli napad protivnicama desetak sekundi prije kraja, iako je jedna japanska igračica vratila loptu golmanki u prostor od šest metara, a nakon utakmice kamere su zabilježile i da je imao verbalni sukob sa selektorom Japana Dancem Ulrihom Kirkelijem.
Johanson u izjavi za dansku TV stanicu “TV 2 sport” nije birao riječi za svog kolegu.
“Da, on je tipičan Danac. Ne mogu da imam poštavanje prema njemu. Što se mene tiče, može da ide dođavola“, rekao je Johanson, iako nije najjasnije šta je Kirkeli skrivio u finišu utakmice.
“Svaka čast selekciji Japana, ali mi smo pokradeni na kraju. Igračica je vratila loptu golmanki. To nije dozvoljeno, to je pravilo koje postoji 100 godina”, bijesan je bio Johanson.
Kirkeli, s druge strane, nije reagovao na Johansovu prozivku.
“Nismo prijatelji, ali nemam ništa protiv Pera. Događa se u žaru borbe. Čini mi se da je svjesno sve uradio na kraju, da je na silu želio da zaustavi igru. Nije bilo sportski od njega, ali događa se”, rekao je Kirkeli.
