"Već danima teče akcija policijskog i tužilačkog saslušavanja i ucjenjivanja članova, simpatizera i prijatelja DF-a, koji su učestvovali u fenomenalnoj izbornoj kampanji 2016, kojom je režim natjeran da inscenira "državni udar", kako bi zadržao vlast. Prethodnih dana Katnićevi isljednici su se zadržavali samo na prepadanju, a danas su se odlučili da pređu na sljedeći nivo represije i nezakonitosti u radu.
Uhapsili su Ivu Bajković, heroinu iz oktobarskih protesta, Petra Draškovića, mladog, pametnog i obrazovanog člana IO NSD, kao i mog sina, Luku Radunovića. U zemlji kojom vladaju kriminalci, i iz Vlade, i iz podzemlja, hapse se ljudi koje ti isti ne mogu da uplaše ili okrenu na svoju stranu. Ali, tvrd je orah voćka čudnovata, Đukanoviću i Katniću! Kolege opozicionari smatrate li i dalje "da je ovo sve farsa, dogovorena između DPS-a i DF-a"? Mislite li da hapsimo svoju djecu da bi podigli rejting?", napisao je Radunović.
