Kapiten Portugala je golom u 8. minutu stigao do 58 golova u minulih godinu dana, odnosno 16. pogotka u reprezentativnom dresu i tako preskočio Lionela Mesija na vrhu liste. Argentinski mađioničar ostao je na 57 recki, od čega čak 54 u opremi Barselone.
Treći je Robert Levandovski sa 55 golova (43-12), koliko ima i Edinson Kavani (49-6). Doduše, Mesi u ovom trenutku ima više asistencija (19-2) od Ronalda (12-5), što opet ni najmanje ne umanje činjenicu da imamo privilegiju da uživamo i živimo u eri dvije golgeterske mašine! Dominantne sile koje nemaju namjeru da se zaustave.
Portugal nakon dvije utakmice ima četiri boda, Rusija sada ima tri iz dvije utakmice, Meksiko jedan, a Novi Zeland je bez bodova.