Portugalac je šokirao sastavom i priliku dao Markusu Rašfordu umjesto Zlatana Ibrahimovića, a sjajni engleski reprezentativac opravdao je povjerenje koje mu je ukazao Murinjo.
Već u sedmom minutu Rašford je postigao vodeći pogodak, ali je taj njegov gol očigledna greška sudije. Naime, Erera je rukom presjekao Matićevo dodavanje, poveo napad za Junajted i poslao drugu loptu koju je sjano prihvatio Rašford.
U 49. minutu Erera je šokirao gostujuće igrače. Ešli Jang je ušao u šesnaesterac sa lijeve strane, a onda dodao loptu unazad do Erere, koji je snažnim šutem savladao Begovića za 2:0.
Čelsi je ostao na prvom mjestu sa 75 bodova, četiri više od drugoplasiranog Totenhema. Oba ta tima odigrala su do sada 32 meča, što znači da ih čeka još šest do kraja.
Junajted se popeo na peto mjesto sa 60 bodova iz 31 utakmice, odnosno, sada ima četiri manje od Mančester sitija, koji ima i meč više. Na trećem mjestu je Liverpul sa 66 bodova iz 33 utakmice.
