Promoteri bivšeg 29-godišnjeg nastavnika Horna su od januara pokušavali da ugovore meč sa 38-godišnjim Pakjaom, prvim svjetskim šampionom u osam različitih težinskih kategorija. Borba će biti održana na stadionu Sankorp u Brizbejnu, kapacteta 52.500 mjesta. Pakjao i njegov tim su pokušavali da ugovore skuplji meč s nekim poznatijim bokserom, ali poslije višmjesečnih pregovora nisu uspjeli da se dogovore s Britancem Amirom Kanom. Pakjao je senator na Filipinima, a do sada ima skor od 59 pobjeda, šest poraza i dvije neriješene borbe. Horn ima 17 pobjeda i neriješenu borbu. Organizatori su meč najavili kao "najveću australijsku borbu u istoriji", a očekuje se da će početi rano popodne, u subotu 2. jula, kako bi u dobrom terminu meč mogla da gleda i publika u SAD.
