Javno pismo prenosimo u cjelosti.
Juče je crnogorsku javnost iznenadila vijest objavljena u medijima, da je pas koji je prije nepunih mjesec dana na tivatskom šetalištu masakrirao drugog psa i umalo ubio dijete u majčinom naručju vraćen vlasniku Hazredinu Elezoviću. Da napomenemo da je gospodin Elezović tada nakon izjave date policiji pušten kući bez ikakve kazne. Juče je dobio čak i nagradu, vraćen mu je pas nazad.
Veliki broj građana Tivta, ali i ljudi od struke javio nam se u prethodnom period, tvrdeći da je pas korišten u nelegalnim borbama pasa, ted a je na sebi imao povrede od istih. Prema riječima pojedinih stručnjaka, po građi psa se može lako aključiti da je on upravo tih dana pripreman za borbe. Vjerovatno je tako izgladnio pošao da se nahrani, pa je napao drugog psa I dijete.
Ipak, kap koja je svakako prelila čašu jeste izjava republičkog veterinarskog inspektora za Tivat, H.Novi I Budvu, Tomislava Lazovića. Naime, Lazović u svojoj izjavi govori da je pas boravio 10 dana u azilu i da je ustanovljeno da nije agresivan, pa je zbog toga vraćen vlasniku. Molimo gospodina Lazovića da nam objasni kako je zaključio da pas koji je napravio masakr I koji je umalo ubio dijete nije agresivan. Kojim su to metodama provjeravali i ko su ti kvazi stručnjaci? Kako je mogao on, sa tako visoke državne funkcije da izjavi te nebulozne riječi, a da se pri tom ni jednom nije zapitao šta će na sve to reći majka one bebe koja je umalo stradala? Obzirom da se Lazović poziva na Zakon, molimo gad a se izjasni po kojoj to zakonskoj tački pas koji je vidno ispoljio svoju prejaku agresivnost može biti vraćen vlasniku?
Ako uzmemo u obzir to da gospodin Lazović staje u zaštitu osobi koja ima psa za borbe i za koju postoji sumnja da se bavi kriminalnim radnjama, onda nam je jasnio u čijoj je službi gospodin Laović. Sudeći po ovome što je izjavio, u službi države i njenih građana koji ga plaćaju, nije sigurno.
NVO “Prijatelji životinja Podgorica”. Gospodine Lazoviću, naš prijateljski savjet je da se malo obrazujete I da za početak uzmete da pročitate Zakon o dobrobiti životinja, na koji se pozivate, jer funkcija koju obavljate zahtijeva poznavanje istoga. A mi ćemo se gospodine Lazoviću truditi da ubuduće razbijamo organizacije koje Vi štitite I da to radimo po Zakonu, istom onome na koga se pozivate, a da prije toga nise ni ueli dag a pročitate.
