Kamerun pobijedio Ganu i prošao u finale KAN

Kamerun će u finalu igrati protiv Egipta, dok će se Gana boriti za treće mjesto sa Burkinom Faso.

Kamerun je poveo iz prve prave prilike na meču. Lopta je poslije jednog slobodnog udarca ušla u šesnaesterac, ali je Džon Boje iz Gane loše reagovao i samo je proslijedio loptu na lijevu stranu, đe se našao Majkl Ngadeu-Ngadžui, koji je skoro iz mrtvog ugla iz blizine zakucao pod preču. 

U finišu meča Vensan Abubakar je u jednoj kontri poslao dugačku loptu ka Kristijanu Basogogu, koji je primio, ušao u šesnaesterac i savladao golmana za konačnih 2:0. 

Utakmica za treće mjesto, Burkina Faso-Gana, igra se u subotu, dok je finale u neđelju.