Podsjetimo, na Dukića je u ponedjeljak na Zlatici, iz vozila u pokretu zapucala nepoznata osoba. Tom prilikom on je zadobio dvije prostrjelne rane u predjelu trbuha i hitno je prebačen u Urgentni centar KCCG.
Policija je ubrzo nakon pucnjave, na Ibričevini blizu Ribnice, pronašla zapaljeni bijeli ,,audi A6“ beogradskih tablica. U njemu su pronađene i dvije automatske puške, što navodi na sumnju da su se osumnjičeni dobro pripremili i da ih je u vozilu bilo najmanje dvoje.
Službenici policije odmah su kontaktirali kolege iz Srbije koje su im kazale da se radi o tablicama čija krađa je prijavljena prije manje od mjesec, tačnije u decembru prošle godine. Na osnovu tih saznanja, istražitelji vjeruju da su napadači planirali ovaj napad, s namjerom da Dukića likvidiraju.
Dukić je zatvor napuštio 5. januara, od kada mu je na račun pogodnosti odobren petnaestodnevni dopust.
Kako su naveli iz Uprave ZIKS-a, zatvorenik S.D. služi jedinstvenu kaznu zatvora u trajanju od 12 godina i dva mjeseca, zbog teškog ubistva putem pomaganja, falsifikovanja isprava i nanošenja teških tjelesnih povreda u Njemačkoj.
A.P.