Dok gledate reklamu za svoje omiljeno pivo ni ne pada vam na pamet da taj zlatni napitak samo omiljeno osvježavajuće piće većine ljudi već i korisna namirnica ne samo u ishrani već i u domaćinstvu.
Hrani kosu i podstiče rast
Poznato je da je zbog vitamina B i silicijuma zdravo dobro za kosu, ali za brži rast kose poslije pranja prelijte je čašom piva. Umasirajte u vlasište i ostavite pet minuta da djeluje. Isperite kosu mlakom vodom i ona će blistati kao nikad prije.
Čini kožu glatkom i zategnutom
Antioksidansi koji se nalaze u pivu sprječavaju starenje kože, a i podstiču samoobnavljanje, odnosno njeno zatezanje, što smanjuje bore. Maska od piva kojom se ovo postiže pravi se od kašičice piva, bjelanca i tri kapi bademovog ulja. Nanesite na čisto lice, ostavite 10 minuta pa isperite.
Pomaže da zaspimo
Cvjetovi hmelja kojih ima i u pivu prirodni su sedativ i poznat su lijek za nesanicu. Probajte jednostavan trik: operite jastučnice s mješavinom jednake količine vode i piva. Tkanina će upiti aromu hmelja, a vi ćete brže zaspati.
Liječi umorne noge
Napunite lavor pivom i u njega potopite stopala i držite ih nekoliko minuta. Osvježavajući šumeći efekat opustće vaša umorna stopala poslije napornog radnog dana.
Uklanja mrtve ćelije kože
Osim što dobro tonira kožu, pivo uklanja i mrtve ćelije. Zbog toga postaje ujednačena i blista prirodnim sjajem. Uzmite šaku jagoda i par kašičica piva i napravite pastu za piling. Nanesite je na lice te lagano masirajte par minuta. Ovako se podstiče regeneracija kože.
Meso je mekše ako se marinira u pivu
Pivo je odlično ako želite da vam se odrezak prosto topi u ustima. Ovaj zlatni napitak ne mijenja ukus mesa pa je ono i dalje ukusno. Stavite meso u plastičnu vrećicu, prelijte ga pivom i stavite u frižider. Sjutradan ćete imati sočan ručak.
Daje sjaj drvenom namještaju
Stavite malo toplog piva na mekanu krpu i njome ispolirajte drvene površine. Vaš namještaj će izgledati kao da je tek kupljen.
Zamka za štetočine
Dosadne muve koje oblijeću oko hrane veoma privlači miris piva, a to možete iskorostiti protiv njih. U staklenu čašu sipajte malo piva, pokrijte aluminijskom folijom i napravite nekoliko rupa. Muve će privučene mirisom piva ući u čašu, ali više neće moći da izađu. Ovaj trik možete iskoristiti protiv bubašvaba i puževa.
Polira metalne predmete
Pivo ima stepen kiselosti koji je savršen za poliranje metalnih predmeta, kao što su lonci ili nakit. Krpicu pokvasite s malo piva i utrljajte na predmet. Sijaće kao dijamant.
Otapa rđu
Kiselina u pivu može da otopiti rđu na metalnim predmetima. Na primjer na šrafovima. Polijte ih pivom i oni ćete se lakše odviti. (zena.net)
