Rozberg ima 12 bodova više od timskog kolege iz Mercedesa Luisa Hamiltona, a Njemcu je za prvu titulu u karijeri potrebno najmanje treća pozicija da ne razmišlja o rezultatu Britanca.
"Ne znam kako ću pristupiti posljednjoj trci. Obavijestiću vas u četvrtak pred trku, kada bude vrijeme da razmišljam o tome. Biće težak vikend kao i uvijek, ništa nije lako u F1", rekao je Rozberg.
Hamilton je u boljoj formi u posljednje vrijeme, slavio je na prethodne tri trke i smanjio zaostatak za timskim kolegom, ali mu je borbu za četvrtu titulu u karijeri često ove sezone remetio motor.
"Srećan sam što sam pobijedio sve u Brazilu i što u istom bolidu kakav ja vozim Niko nije mogao ništa protiv mene. Njemu ove sezone ide odlično, nije imao problema dok sam ja često bio u čudnim pozicijama. Ali ako budem vozio kao u subotu neće biti važno. Šanse su male, ali nikad se ne zna", rekao je Hamilton.
Odlučujuća trka F1 sezone na programu je u Abu Dabiju 27. novembra na stazi Jas Marina đe je prošle godine slavio upravo Rozberg ispred Hamiltona.
