Najveće dilema je bila ko će praviti društvo Lionelu Mesiju u napadu, a Bauza ju je riješio u korsit špica Juventusa Gonzala Iguaina, što znači da će prva puška Mančester Sitija Serhio Kun Aguero ostati na klupi.
„Ideja je da se potučemo s njima na sredini terena i da onda razvijamo brze napade. Zato ću početi sa Encom Perezom i Havijerom Maskeranom, kao zadnjim veznim, a Di Marijom na krilu, jer vjerujem da on može da ubrza našu igru“, pojasnio je Edgardo Bauza.
To znači da je mjesto izgubio Ener Banega, u prethodnom periodu zadužen za kvarenje napada protivnika. Maskerano će umjesto na štoperu igrati u vezi, zajedno sa Lukasom Biljom.
„Što se tiče Lavecija, izašao je iz povrede, pa će početi na klupi. U napadu kreću Mesi i Iguain. Mesiju smo dali totalnu slobodu da se u napadu kreće kako god hoće. Stigao je na okupljanje reprezentacije bez ikakvih zdravstvenih problema, te zato očekujem i njegovu dobru partiju. Što se tiče izbora Iguaina, i on i Kun su sjajni fudbaleri, dosta su dali reprezentaciji i ako bih rekao da je jedan bolji od drugog odmah bi vitirali moju izjavu, ali ja to nikad nijesam rekao“, u dahu je govorio Bauza.
Meč Brazil - Argentina na programu je u noći između četvrtka i petka, sa početkom od 00.45 po našem vremenu.
Sastav Argentine: Romero, Zabaleta, Otamendi, Funjes Mori, Mas, Perez, Bilja, Maskerano, Di Marija, Mesi, Iguain.
