U Trilju je jedan učenik prijavio da je video klovna koji je otišao u šumu, piše Index.hr. Policija je odmah krenula na lice mjesta i krenula u potragu za klovnom.
Djeca su ostala u šoku, jednom je navodno i pozlilo, javlja hrvatski portal. Policija je potvrdila da im je dojavljeno da je učenik u 11.47 vidio klovna kako stoji ispred škole i zatim bježi u šumu.
Drugu dojavu o klovnovima policija je imala juče popodne, javili su im da je klovn viđen na području Svetog Kaja. Pregledali su navedeno područje i razgovarali s mještanima ali klovnu nijesu ušli u trag.
Podsjetimo, nakon SAD, najezda klovnova koji plaše i napadaju ljude zahvatila je i Evropu, a prerušene osobe počele su da se pojavljuju i na Balkanu. Dvojica dječaka starih 13 i 14 godina uspjeli su u ponedjeljak veče da pobjegnu osobi maskiranoj u klovna koja je pokušala da ih uhvati u Kninskoj ulici na osječkim Uskim njivama.
Index.hr
