Čelsi je poveo u 18. minutu golom Dijega Koste poslije dobre asistencije Oskara, a izjednačio je Gilfi Sigurdson u 59. minutu iz jedanaesterca. Penal je dosuđen poslije prekršaja golmana Tiboa Kurtoe nad Sigurdsonom.
Svonsi je poveo tri minuta kasnije, kada je poslije greške Garija Kejhila do lopte došao Liroj Fer i poslao loptu u mrežu.
Bod Čelsiju donio je Kosta u 81. minutu svojim drugim golom na utakmici. Poslije šuta Branislava Ivanovića lopta je visoko odskočila, a Kosta ju je uhvatio makazicama i poslao u mrežu.
Čelsi je tako prekinuo niz od tri pobjede i ima 10 bodova na drugom mjestu na tabeli, a Svonsi je sakupio četiri boda i zauzima 13. mjesto.
Mančester siti, koji je juče savladao Junajted u gradskom derbiju (2:1), nakon četiri kola je ostao usamljen na vrhu sa maksimalnih 12 bodova.
rtcg.me
