Pliškova je jutros u Njuorku, u polufinalom meču, savladala Serenu Vilijams 2:0 (6:2 i 7:6) i prvi put u karijeri izborila plasman u Gren slem finale.
Pliškova, koja do sada nikada nije prošla dalje od trećeg kola nekog od Gren slem turnira, postala je četvrta igračica koja je na istom turniru eliminisala obje sestre Vilijams.
Prije nje to je uspjelo Švajcarkinji Martini Hingis i Belgijankama Žastin Enan i Kim Klajsters.
Kerber je nastup u finalu izborila trijumfom nad Karolinom Voznijacki 2:0 (6:4 i 6:3) i od ponedjeljka prvi put u karijeri preuzeće prvo mjesto na WTA listi najboljih teniserki svijeta.
Finale u konkurenciji teniserki na programu je u subotu u 22 sata.
Za plasman u finale u konkurenciji u tenisera, večeras u 21 sat, igraće Novak Đoković i Gael Monfis, a nakon toga i Stan Vavrinka i Kei Nišikori.
