Nakon uspješnih nastupa u Americi, Koreji i, trenutno, Kini, izdavačka kuća Partita iz Seula, napravila je spot sa gostovanja koje je CGD imao 23. jula u dvorani ovog izdavača.
Duo trenutno predstavlja album sa prve tri Bahove Engleske svite, koji je u septembru prošle godine objavilo prestižni izdavač klasične muzike Naxos, a zvanična promocija albuma priređena je u čuvenoj dvorani Concertgebouw u Amsterdamu. Riječ je o svjetskoj premijeri ovih komada u transkripciji članova dua, projektu koji je sufinansiralo Ministarstvo kulture.
Poslije koncerata i master-klasa u Kini, CGD do kraja godine turneju nastavlja u Luksemburgu, Holandiji, zatim ponovo Južnoj Koreji i Kini, te Njemačkoj. U međuvremenu, u oktobru će snimiti drugi album, sa Bahovim Engleskim svitama broj 4, 5 i 6, za drugi istoimeni album koji će Naxos objaviti sredinom naredne godine, čime će biti zaokružen ovaj višegodišnji projekat.
Pogledajte i poslušajte prvi stav Engleske svite broj 5.
Foto: Oficijelni sajt CGD
