Anđela Milner Braun i njen suprug Angus iz Bigara su na aukciji kupili staru stolicu za pet funti.
“Kupili smo je davno na aukciji za pet funti. Izgledala je kao da je pas spavao na njoj i bila je u lošem stanju”, rekla je Andžela.
Par nije tada imao novca da je presvuče, pa su je ostavili na tavanu.
Nakon nekoliko godina, Angus je odnio stolicu na presvlačenje, a ubrzo zatim je počeo da Anđeli daje skupocene poklone.
“Prije neku godinu suprug me iznenadio dijamantskim prstenom za godišnjicu braka. Sljedećeg Dana zaljubljenih poklonio mi je dijamantske minđuše, a za Uskrs dijamantski broš”, rekla je Anđela.
Kako se ispostavilo, Angus je u jastuku od stolice pronašao nakit vrijedan oko 5.000 funti i riješio da tu tajnu sakrije, kako bi svoju suprugu mogao da iznenadi poklonima.
“Moj muž je skidao slojeve štofa sa stolice kako bi je odnio na presvlačenje. Ispod posljednjeg sloja je našao nakit. On je romantičan, pa je odlučio da prećuti i da me iznenadi nakitom”, ispričala je Anđela.
