"Naš predsjednik i Vlada su tu. Nijesu cijele oružane snage turske bile uključene u pokušaj državnog udara već su posrijedi pojedinci koji su dobili adekvatan odgovor našeg narod", piše u kratkom saopštenju.
Predsjednik Turske Redžep Erdogan, sletio je na aerodrom "Ataturk" nekoliko sati nakon pokušaja vojnog puča u ovom gradu i Ankari, gdje su ga dočekale brojne pristalice. On je potom održao i govor u kojem je rekao je da će učesnici puča dobiti potreban odgovor, bez obzira na to u kojoj su instituciji.
On je pokušaj državnog udara nazvao "Božjim darom" koji će pomoći da se Turska "očisti" oficira koji su članovi “te bande”.
Prema posljednjim informacijama, puč koji je organizovan u Istanbulu i Ankari, nije mogao da prođe bez žrtava, pa je stradalo 17 policajaca i fotograf novinske agencije AFP.
(CdM)
