Hrvatska je juče pobijedila Tursku sa 1:0 u prvoj utakmici Grupe D na Evropskom prvenstvu. Ćorluka je u 30. minutu utakmice završio ;okrvavljene glave nakon što ga je turski napadač Dženk Tosun udario laktom. Hrvatski fudbaler se u igru vratio sa povezom na glavi.
"Situacija s Ćorlukom je dobra, danas je dobio poštedu," kazao je dr Nemec, prenosi Hina. Nemec je otkrio da je Ćorluka u poluvremenu dobio tri šava, ali da se rana u nastavku susreta otvorila nakon što je Ćorluka nekoliko puta udario loptu glavom.
"Rana se otvorila nakon udaraca lopte glavom, a zavoj je popuštio, pa smo morali još nekoliko puta da intervenišemo. Posjekotina je na vrhu glave, ali sve će biti u redu," dodao je on.
Hrvatska u drugom kolu Grupe D igra protiv Češke. Utakmica je na programu u petak od 18.00.
