Doduše, uglavnom je riječ o Rusima, koji s lakoćom ulaze u hladnjikavo more. Premda, nešto je toplije vrijeme za ovo doba godine. More s temperaturom od 19 stepeni, a vazduh 25.
Međutim, većina kupališta još je u neredu, ili je tek počelo sređivanje. Tako je pješčana plaža hotela “Plaža” puna otpadaka, plastičnih boca i trave.
Tužnu sliku pruža i plaža “Boke” na Škveru. Kabine su kao poslije ratnih dejstava. Betonski dio ispucao, stepenište za ulaz u more propalo, a ograda zarđala.
Ništa bolje nisu ni plaže u Igalu, gdje većina zakupaca tek piturava privremene barove i lokale. U punom jeku su i radovi na novom kupalištu hotela Palmon bay&spa.
I plaže u mjestima duž hercegnovske rivijere ne izgledaju ništa bolje. Neke su još zatrpane pijeskom i građevinskim materijalom nakon postavljanja kolektorskih cijevi, a većina nije uslovna za sunčanje. (Radio Jadran)
