Meč na Etihadu riješio je tinejdžer "Crvenih đavola" Markus Rašford sjajnim golom u 16. minutu utakmice. Junajted je ovom pobjedom, drugom u gradskom derbiju u posljednja tri okršaja, stigao na bod od Sitija koji je na četvrtoj poziciji koja vodi u kvalifikacije za Ligu šampiona.
Siti je imao više od igre na Etihadu, "građani" su imali daleko više loptu u svom posjedu, češće su prijetili golu Davida de Hee, ali "građani" nijesu oduševili.
Njihovi napadi su uglavnom bili jalovi ispred gola Junajteda, koji je rijetko prijetio, ali je imao raspoloženog Rašforda koji u 16. minutu koristi proigravanje Huana Mate i fantastičnim driblingom se oslobodio Martina Demikelisa, a onda lagano savladao Harta.
U nastavku meča Siti je prijetio preko Aguera i Bonija, povremeno su pokušavali Ture i Hesus Navas, ali nisu uspjeli da izbjegnu poraz u 171. derbiju Mančestera. Junajted u sljedećem kolu dočekuje Everton, dok Siti gostuje Bornmutu.
