Portal AnalitikaIzvor
Njemac je do pete pol pozicije ove sezone pred prvu trku u Meksiku od 1992. došao u vremenu od 1:19.480 na stazi „Ermanos Rodriges“.
Rozbergu će se na startu trke, u neđelju od 20 časova, pridružiti timski kolega Luis Hamilton, dok će treće mjesto zauzeti Sebastijan Fetel u Ferariju.
Hamilton je bio manje od dvije desetinke iza Rozberga, a isto toliko ispred Fetela, uz kojeg će u drugom startnom redu biti vozač Red Bula Danil Kvjat. Slijediće ga njegov timski kolega Danijel Rikardo, ispred dvojca Vilijamsa, Valterija Botasa i Felipea Mase, i najmlađeg vozača u šampionatu Maksa Ferstapena. Prvu desetoricu kompletiraće miljenik domaćih navijača Serhio Peres u bolidu Fors Indije i njegov timski kolega Niko Hilkenberg.
