Tim s Bombonjere je ovom pobjedom ponovo preuzeo čelnu poziciju, iskoristivši poraz San Lorenca, od koga sada ima dva boda više, pa ga četiri pobjede dijele od 31. titule šampiona Argentine.
Duel na krcatom Monumentalu riješen je već u 19. minutu, kada je rezervista Nikolas Lodeiro sjajno ispratio akciju i zakucao odbitak, poslije šuta Karlosa Tevesa, sa ivice kaznenog pod prečku.
Najveći derbi svijeta počeo je veoma loše za goste, jer je iskusni Fernando Gago već u 17. sekundi doživio tešku povredu, a umjesto njega na teren je ušao upravo Lodeiro.
Ekipa Rodolfa Aruabarene sada ima 52 boda, poslije 29 odigranih kola, a naredne neđelje gostuje Argentinos Juniorsu na stadionu 'Dijego Armando Maradona'. S druge strane, tim Marsela Galjarda ostao je na 41 osvojenom bodu i petom mjestu , pa će gledati da savlada Lanus u narednom kolu kako bi ostao na mjestu koje vodi u kvalifikacije za Kopa Libertadores.
