Dankin meč na drugom Gren slemu sezone je četvrti na programu na terenu broj 10 teniskog kompleksa u Bulonjskoj šumi, i nije izvjesno da će taj duel početi prije 17 časova. Najbolja crnogorska teniserka u boljoj je formi od Čehinje, iako je trenutno lošije plasirana na WTA listi. Mlada Novljanka je na 89. a Kukalova na 78. mjestu na planetarnoj listi, ali iskusna Čehinja je u padu forme.
Prije godinu i po dana bila je 20. na svijetu. Kovinić je istu rivalku rutinski savladala u prvoj rundi Slovakia opena u Trnavi početkom mjeseca, 6:1, 6:4. Zbog toga valja vjerovati u Dankin trijumf, a u narednoj rundi čekala bi je mnogo teža prepreka. Potencijalne rivalke su ili šesta na svijetu, finalistkinja Vimbldona Eženi Bušar ili domaća uzdanica Kristina Mladenović.
(Pobjeda, ARENA)
