Nikola Ivanović: “Prije svega iskrene čestitke na zasluženoj pobjedi. Želim samo da kažem hvala svima što je sve ovako izgledalo večeras, čast mi je što sam dio svega, i ponosan što sam Podgoričanin. Naravno da sam razočaran, jer je ovo bio san koji nije ispunjen na kraju, san koji je trajao cijele godine. Stigli smo i do toga da igramo majstoricu pred našim navijačima, al sad šta je tu je. U sportu ko brže zaboravlja, biće uspješan.”
Marko Tomas: „Očigledno su domaći bili pod velikim pritiskom, pogotovo nakon što je serije poslije 2:0, otišla na 2:2. Pred fanatičnom publikom i u pravom košarkaškom ambijentu, nisu igrali kako su željeli, mada su igrali veoma borbeno , pokazuje to i znatno više skokova. Ključ ove serije je bio zaustaviti Savovića, i u tome je mali Žganec napravio veliki posao. Ovo nije bila serija u kojoj pobjedjuje samo ekipa koja je kvalitetnija, raspored je bio gust, i očigledno je da su igrači Budućnosti bili umorni, iako su igrali pred svojom publikom.“
