Bahajev je negirao da je učesnik u ubistvu, ali su istražioci ocijenili da je svjedočenje Zaura Dadajeva, takođe osumnjičenog, dokaz da je Bahajev umiješan u zločin, javlja agencija Tanjug.
"Nisam učestvovao u zločinu i ne znam ništa o tome. Nikada nisam učinio ništa nezakonito. Ime Njemcova sam prvi put čuo 8. marta kada sam uhapšen", rekao je Bahajev istražnom sudiji.
Osim toga, njegov advokat je naveo da Bahajev ima alibi, kao i da istražitelji nisu predočili dokaze koji bi teretili njegovog klijenta.
Istražitelji vjeruju da je Dadajev ubio Njemcova 27. februara, a da su njegovi pomagači u izvršenju zločina takođe Čečeni - Bahajev, Šadid Gubašev i Tamerlan Eskerharov.
Podsjećamo, Dadajev je prošle nedjelje na sudu u Moskvi rekao da su ga tukli i primorali da prizna ubistvo.
