GARČEVIĆ: U svim državam koje su se približavale NATO-u bilo je protivnika pristupanju

Prema njegovim riječima, dobro je da se o tome vodi dijalog a, kako smatra, uvijek postoji bar jedan argument više za članstvo u NATO-u.

“Uvijek postoji jedan argument više za članstvo, ovdje se radi prije svega o racionalnom izboru”, istakao je Garčević.

Ona je ukazao da nijedna od država koje su članice NATO-a nijesu napustile taj savez, “poslije 50 ili 70 godina bivstvovanja u njemu”.

- Da je to toliko loš i fašisoidan ambijent, da je toliko ambijent koji sputava, onda bi sigurno države koje baštine demokratiju odlučile slobodno da izađu, ne bi tamo ostale 70 godina – kazao je Garčević.

On je rekao da taj argument najbolje govori o prednostima članstva.

“On nije najsavršeniji jer ne postoji savršen model. Svaki model ima svoje greške, manjkavosti i izazove. Ali u datim okolnostima, u kojima danas živimo, ne postoji bolji model i zato mi treba da budemo dio tog modela”, kazao je on.

Garčević je podsjetio da je Koordinacioni tim novi aspekt kampanje započeo u drugoj polovini februara, ali i da su njegovi članovi već radili na tome mnogo ranije.