AKEM smatra da je ovaj nečuveni napad, atak na slobodu medija i profesionalne standarde koji treba da upozori i uplaši sve one koji bez zazora ugrađuju dio sebe svakodnevno u temelje demokratije, nastojeći da opomenu i budu dnevni kritičari stvarnosti koja nerijetko udara na život svakog pojedinca.
AKEM je zabrinut zbog učestalih pojava napada na novinare i zahtijeva zaštitu profesije koja njedri temeljne vrijednosti društva i da se svaki pokušaj bilo koje vrste pritisaka energično sankcioniše.
AKEM duboko saosjeća sa porodicama stradalih novinara, izražavajući solidarnost sa novinarima magazina Charlie Hebdo koji su odlučni u naumu da nastave sa radom, upkost neviđenoj tragediji koja ih je zadesila.
To mogu samo hrabri i profesiji predati. Zato smo uz njih svim svojim bićem, navodi se u saopštenju koje je potpisao predsjednik Slavko Mandić.
