Kao peti pik prve runde na NBA draftu 1996. izabran od strane Minesota Timbervulfsa. Započeo je karijeru koja je ušla u svoju 18. godinu i u kojoj je dva puta osvajao šampionski prsten, 10 puta učestvovao na Ol-star utakmici i jednom osvojio takmičenje u šutiranju trojki.
Iz Minesote je proslijeđen u Milvoki đe je igrao do 2003. kada je prešao u Sijetl Supersonikse, klub koji ne postoji od 2008. godine, čiji je nasljednik Oklahoma Siti Tanders.
Godinu dana prije gašenja Supersoniksa preselio se u Boston, đe je sa legendarnom ekipom osvojio svoj prvi trofej šampiona NBA lige. Te godine su Seltiksi ostvarili rekordnih 66 pobjeda u 82 utakmice uvodne faze najjače svjetske lige.
Od 2012. godine pa sve do ovog ljeta, igrao je za Majami sa kojim je osvojio svoj drugi prsten. Najozbiljniji kandidati za potpis u posljednjih mjesec dana bili su Čikago Bulsi, Vašington Vizardsi, Klivlend Kavalirsi i Golden Stejt. Međutim, izgleda da će svi nažalost ostati bez velikog igrača koji je ostavio dubok trag u svjetskoj košarci, pogotovo onaj iza linije od 7,24 metara.
