- To bih odmah pozdravio i prihvatio. Možemo da se dogovaramo, ali ne samo da budemo tu da aminujemo sve što Demokratska partija socijalista predloži. Zato pozdravlajm najavu raspisivanja vanrednih parlamenatrnih izbora i apsolutno smo spremni za to - rekao je Šabović.
List podsjeća da je potpredsjednik Vlade i ministar vanjskih poslova i evropskih integracija Igor Lukšić juče kazao da bi, ukoliko DPS i SDP ne uspiju da postignu dokovor oko određenih investicionih pitanja, bilo bolje ići na vanredne parlamentarne izbore.
- U svakoj vladi dolazi do konflikata. Najgore bi bilo kad bi se produžio odnos nerazumijevanja koalicionih partnera oko određenih strateških pitanja i investicija. Bolje je pokušati postići punu saglasnost i onda realizovati program. Ako ne možemo postići puno razumijevanje, onda je bolje ići na vanredne izbore, pa nakon toga imati jasnu političku scenu, formirati Vladu i raditi na realizaciji programa. Nije sporno da li je jedna ili druga koalicija aktuelna u vladi, bitno je da institucije funkcionišu – istakao je Lukšić.
Foto: rtcg.me
